Ymgynghoriad ar Bremiwm Treth y Cyngor 2023

Mae Cyngor Sir Penfro yn gofyn am eich barn ar gynigion ar bremiymau Treth y Cyngor sy’n berthnasol i ail gartrefi a chartrefi gwag hirdymor yn Sir Benfro.

Edrychwch ar y wybodaeth gefndir am fanylion, gan gynnwys premiymau Treth y Cyngor ar hyn o bryd, cyd-destun Tai Sir Benfro, diffiniadau a deddfwriaeth.

Mae ystyried eich barn yn rhan hanfodol o'n proses adolygu.

Gallwch roi eich barn ar ein cynigion drwy lenwi ein ffurflen ymateb ar-lein.

Os hoffech gopi papur o'r ffurflen ymateb ffoniwch ein Canolfan Cyswllt Cwsmeriaid ar 01437 764551, fel y gallwn wneud trefniadau i bostio hwn atoch.

Y dyddiad cau ar gyfer ymatebion wedi'u cwblhau yw 06 Awst 2023.

Bydd yr ymatebion a roddwch yn cael eu llunio mewn adroddiad dienw (h.y. ni fyddwn yn defnyddio'ch enw nac unrhyw un o'ch manylion personol yn yr adroddiad) ac yn cael eu defnyddio i lywio Asesiad Effaith Integredig (IIA). Bydd y Cabinet yn ystyried y rhain yn ei gyfarfod ar 2 Hydref 2023. Bydd penderfyniad terfynol ar yr opsiynau yn cael ei wneud gan y Cyngor llawn yn ei gyfarfod ar 12 Hydref 2023.

Bydd unrhyw newidiadau i bremiymau Treth y Cyngor ar gyfer ail gartrefi gwag a thai gwag hirdymor yn dod i rym o 1 Ebrill 2024.