Newid rheoledig i Ysgol Portfield i gynyddu nifer y disgyblion y mae'r ysgol yn gwneud darpariaeth ar eu cyfer

Mae Cyngor Sir Penfro yn gyfrifol am hyrwyddo safonau addysgol uchel ac am ddarparu addysg gynradd ac uwchradd effeithlon. Mae cael yr ysgolion cywir o'r math cywir yn y lleoedd cywir a sicrhau eu bod yn addas i'n dysgwyr yn yr 21ain ganrif yn her sy'n ein hwynebu ni, a phob cyngor ledled Cymru.

Mae cwrdd â'r her hon yn cynnwys adolygu nifer a mathau yr ysgolion sydd gan y Cyngor yn ei ardal, ac asesu a yw'r defnydd gorau yn cael ei wneud o'i adnoddau a'i gyfleusterau ai peidio.

Mae'r Cyngor yn adolygu ei ddarpariaeth ar sail:

• Ansawdd a chynaliadwyedd darpariaeth addysgol yn y dyfodol
• Digonedd a hygyrchedd lleoedd ysgol
• Cyflwr, addasrwydd a safon adeiladau ysgol
• Gwerth am arian

Mae'r ddogfen ymgynghori hon yn nodi'r cynnig i ehangu'r safle, ac i gynyddu capasiti Ysgol Portfield. Edrychaf ymlaen at dderbyn eich barn.

Steven Richards-Downes

Cyfarwyddwr Addysg

Mae'r ymgynghoriad hwn bellach wedi dod i ben ac mae'r ymatebion yn cael eu hadolygu.