Gerddi Cymunedol a Rhandiroedd: Allt y Gelli

Mae Cyngor Sir Penfro yn ceisio barn ar ddefnyddio’r cae y tu ôl i Allt y Gelli ar gyfer garddio cymunedol a rhandiroedd.

Rydym yn awyddus i annog y manteision y byddai defnydd o’r fath yn eu galluogi. Yn genedlaethol, mae rhandiroedd a gerddi cymunedol yn cael eu hystyried yn uchel eu parch. Nid yn unig maen nhw’n helpu i leddfu costau bwyd cynyddol, mae’r manteision yn cynnwys opsiynau bwyd iach y cartref tra’n cynnig lle ar gyfer gweithgaredd corfforol, ac iechyd meddwl a lles cadarnhaol.

Eich Barn

Gallwch roi eich barn drwy'r ffurflen ar-lein isod "Cymryd yr Arolwg". Bydd gofyn i chi gofrestru / mewngofnodi i lenwi'r ffurflen. Os cewch unrhyw anawsterau wrth gofrestru / mewngofnodi, anfonwch neges e-bost at policy@pembrokeshire.gov.uk (yn agor mewn tab newydd) i gael cymorth.

Gofynnir i chi ateb cyfres o gwestiynau monitro “Amdanoch Chi”. Nid yw’n ofynnol i chi ateb unrhyw un o’r cwestiynau hyn os nad ydych am wneud hynny. Fodd bynnag, bydd darparu’r wybodaeth hon yn ein helpu i asesu pa mor llwyddiannus yr ydym yn ymgysylltu ag adrannau gwahanol o’r boblogaeth. Bydd hyn, yn ei dro, yn ein helpu i ddiwallu anghenion y gymuned leol.

Fel arall, gallwch lawrlwytho copi caled o’r ffurflen ymateb i’w chwblhau. Unwaith rydych wedi’i chwblhau, anfonwch hi drwy neges e-bost at propertyhelpdesk@pembrokeshire.gov.uk (yn agor mewn tab newydd) drwy’r post at Cyngor Sir Penfro, Yr Adran Eiddo, Neuadd y Sir, Hwlffordd, SA61 1TP

Y dyddiad cau ar gyfer sylwadau yw Dydd Gwener 24 Tachwedd 2023.